25mei, NW, AZV DESPA.jpg

Algemene Ziektekosten Verzekering (AZV) a ricibi varios señal di insatisfecho of disgusto di pashentnan cu cierto oficinanan di dokter di cas. Y a base di e kehonan aki, a base di diferente señalnan cu nan a ricibi, manera yamada di clientenan cu ta yama AZV ta bisa kico ta nan pensamento of kico nan ta pasa aden.
 

Kehonan
Segun Solange Tchong, vocero di AZV, ta trata kehonan manera servicio y orarionan kisas for di oranan normal cu tin cu wordo duna. Tin un presion cu ta wordo poni riba Spoed Eisende Hulp. E diferente señalnan aki ta indica cu algun cos basico cerca e dokternan di cas, no ta bayendo manera mester ta. Pa e banda aki AZV a tuma un decision cu algun luna pasa a dicidi di hunto cu DESPA, haci loke ta yama un prome estudio, unda cu kier a haya sa di e pashentnan, con nan experiencia ta pa nan dokter di cas. Esaki ta algo cu a haci algun luna atras y actualmente ta wardando e resultadonan di e investigacion aki, di ki forma esaki a bay tambe, pa duna un miho splicacion tocante e estudio cu a bay den dos manera.
 

Investigacion
Tabata tin un observacion di e team entre AZV y departamento di Salud Publico. Nan tabata tin diferente team cu a sali afo pa haci observacion di e oficinanan di dokter di cas y banda di esey, a percura pa un encuesta bao di e pashentnan. Tur pashent cu na e momento ey cu tabata na oficina di dokter di cas, a wordo pidi pa nan colaboracion pa yena un encuesta, na unda AZV y DESPA a haci diferente pregunta na e pashent.
 

Lista di pregunta
Durante e encuesta aki, un lista di pregunta a wordo duna na e pashent, caminda cu ta puntra entre otro riba servicio. Con e pashent ta experiencia e opcion pa yama y haci afspraak of e opcion pa bay personalmente e dokter di cas y haci un afspraak. Kico ta e informacionnan cu dokter di cas su oficina ta duna e pashent y asina tabata tin mas pregunta tocante accesibilidad y disponibilidad di e dokter di cas, pero tambe tabata tin pregunta por ehempel di e parti logistica. Con ta haci pa haya e recept, of con ta haya pa haya e dokter di cas, despues di orario di su oficina. Asina tabata tin diferente otro punto cu a puntra e pashent, pa duna informacion kico tanto e ta na altura di dje y con satisfecho e ta di e servicio aki. Hunto cu DESPA y tambe cu e asociacion di dokternan di cas, HAVA, e puntonan treci dilanti den e encuesta lo tin cu bay wordo mehora, a base di e contestanan duna pa e pashentnan.
 

Fase di espera
Actualmente ta den e fase di espera pa caba di haya tur e resultadonan di e encuesta aki cu por cierto tabata uno anonimo pero uno hopi importante, pasobra ta hustamente e pashentnan ta experencia e servicio na e dokternan di cas y ta e pashent ta esun cu por conta con e ta experencia cierto reglanan den e oficina di e dokter di cas y si esaki realmente pa nan ta sirbi of no, Tchong a splica.

LEAVE A REPLY

Please enter your comment!
Please enter your name here