Proyecto di Watty Vos Boulevard den pleno ehecucion; construccion di 8 rotonde nobo

ORANJESTAD – 2019 lo ta un aña druk pa loke ta construccion y mehoracion di nos infrastructura di caretera. Un aña caminda e proyecto di Watty Vos Boulevard, na encargo di e compania Mota-Engil Aruba, lo ta den pleno ehecucion.

Nan lo cuminsa traha riba 8 rotonde nobo y un cu lo wordo reconstrui, cu ta esun na Santa Helenastraat. Nan tur lo tuma luga e aña aki, y aunke algun caminda lo keda cera simultaneamente, nan lo wak con nan lo planea cada un di nan pa obstaculisa e trafico lo menos posibel.

Durante nan prome conferencia di prensa di e aña nobo aki, tanto director di DOW, Marlon Croes como e project manager di e compania Mota-Engil Aruba, Joao Campos a duna un indicacion di e trabounan cu ta bay tuma luga den e proximo simannan, unda nan ta bay cera diferente caminda y unda nan trabou lo bira mas intensivo.

Den cuadro di e proyecto aki lo tin dos over-pass cu mester wordo traha, un na Hato y otro na Meiveld, na haltura di patras di ex edificio di Codemsa. Nan ta e dos caminda cu pronto lo bay cera, hunto cu esun na altura di Ling & Sons. E trabou lo inicia entrante diasabra dia 12 di januari. Nan lo tin desviacion debi na e construccionnan aki, ya cu nan ta bay cera e dos caminda. Esun prome, cu ta e caminda di Hato cu ta conecta Paradisewijk cu direccion di EPB y Aruba Aloe, lo wordo cera pa un periodo di 6 luna. E mesun tempo lo demanda esun di Meilveld.

Un trabou cu a wordo para y pospone durante temporada di fin di aña ta e crusada na altura di Ling & Sons pa bay Bushiri, y esaki lo cuminsa e aña aki tambe; e ta un periodo di construccion di tres luna. Tambe e crusada di Seroe Patrishi, cu lo bira un rotonde, lo sigui den transcurso di e proximo lunanan. Igualmente esun di Sun Plaza unda e luz di trafico ta. Otro lo ta esun di Juancho Irausquin Boulevard, na altura di Alhambra Casino, un crusada peligroso cu a yega di cobra bida di hende. Un rotonde mas lo ta na Eagle Beach na altura di Oceania. Un mas lo ta na Bubali Plas, net den e crusada pa nort di Amsterdam Manor, y lo tin e reconstruccion di e rotonde di Santa Helenastraat na altura di oficina di abogado Ecury and partner De Cuba-Wever.

E aña aki tambe lo traha riba e rotonde na Montaña, na haltura di e compleho deportivo Frans Figaroa. Y e ultimo rotonde lo ta net den e crusada di Rio Grande na Noord. Director di DOW a laga sa cu nan lo bin cu mas informacion na momento cu nan lo ta asina leu pa ehecuta e proyectonan aki durante henter aña 2019. Nan lo informa nos comunidad debidamente prome cu nan ta cera cierto caminda riba fecha specifico.

You May Also Like

Editorial

Plasterk a bin te bay, sin papia di situacion financiero?

“Mi no ta mete, tur cos ta cu CAFT” Ken ta bay kere cu ...

20 april, BR, Mirto Lacle.jpg

Theodore “Ted” Johnson lo presenta prome diccionario di dialecto di Saba na BNA

E promotor cultural y linguista, sr. Mirto Lacle a anuncia cu dialuna, 25 di ...

Resultadonan campeonato nacional atletismo

  Riba 23 y 24 di juni a tuma luga e campeonato nacional di ...

OM: ‘Siguridad di detencion padrastro Gaby Martiens ta garantisa na Aruba’

Den cuadro cu e padrastro sospechoso principal Gaby Martiens di e dobel tragedia cu ...

Tin biaha e hende muhe mes ta stroba pa haya e balansa den comunidad

ORANJESTAD – Awe ta wordo conmemora Dia Internacional di Hende Muhe. E tema di ...

Citgo no ta pagando tur contratista

Sindicato IOWUA ta urgi reunion cu tur partidonan Te aworaki Citgo Aruba ta cumpliendo ...