(ElNuevoDia) – Puerto Rico tambe a cuminza sinti e problema di multitud di hende cu no ta dispuesto mas di mantene nan mes na regla, institui pa combati Covid-19. Autoridadnan a desaloha e caynan di La Parguera na Lajas, pa e aglomeracion di persona den lancha, diadomingo pasa, pa riesgo di aumento di contagio cu Covid-19.

Meteorologa Deborah Martorell a publica riba su cuenta di Facebook cu Departamento di Recurso Natural y Ambiental (DRNA) y Departamento di Salud a haci e operativo.

“Nos tabata trahando den conhunto durante mainta y atardi awe. Nos a bin di Boqueron te aki, Cayo Caracoles. Ayera nos a mira algun imagen perturbador pa e asunto di pandemia aki. Lamentablemente, nos no por permiti e tipo di asunto aki,” Jesus Hernandez, di Oficina di Investigacion di Salud, a bisa durante e entrevista.

Polis tambe a aporta apoyo pa saca e botonan for di e lugar. “E fin di siman aki tabata un ‘acabose’ (desastre),” segun Aideleen Ronda, comisionado di Cuerpo di Vigilante di DRNA. El a señala cu un di e embarcacionnan tabatin 18 persona a bordo, y ningun di e nucleo familiar.

Puerto Rico ta e segundo pais cu mas caso di Covid, cu 97.713 caso y 2.116 morto, despues di Republica Dominicana, cu a surpasa e marca di 250.000 caso.  Departamento di Salud a reporta ayera cu tin un total di 304 persona den hospital, e cifra mas halto desde fin di januari di e aña aki. E record pa pacient hospitaliza ta 657 y ta di dia 10 di december aña pasa. Hospitalnan di e isla ta conta cu 225 cama di ICU y 893 ventilator disonible.

LEAVE A REPLY

Please enter your comment!
Please enter your name here