Puerto Rico vigilando otro onda tropical cu por bira horcan

San Juan – Un onda tropical cu potencial halto di bira un horcan den e proximo cinco dianan y cu por afecta Puerto Rico den curso di otro siman, ta loke National Hurricane Center (NHC) ta pronostica pa e proximo dianan. Segun e agencia meteorologico e islanan menor di Antiyas mester monitorea e progreso di e sistema aki.

Especificamente, NHC ta duna 50% di probabilidad di converti den un ciclon den e proximo dos dia y di 90% den e proximo cinco dianan. Diabierna mainta (8:00 am) e sistema tabata na 1200 miya di e islanan di Antiyas Menor, cu ta inclui e islanan Hulandes Saba, St. Eustatius y St. Maarten. E onda ta move na un velocidad di 15 miya pa ora, den direccion oeste noroeste.

NHC ta anticipa cu pa ayera tardi e depresion number 14 di e temporada, riba ruta pa Caribe, lo por tabatin biento sosteni di 39 miya pa ora y ta converti den un tormenta.

E ciclon lo haya e nomber Lee, segun e lista di nomber programa pa 2107.

Debi na e distancia di e sistema di e islanan den e arco norte di Caribe, NHC ainda no por determina si e ciclon lo por afecta Caribe incluyendo Puerto Rico. E medicion y proyeccion di largo alcance ta di solamente cinco dia.

You May Also Like

28juni, JM, FPNC.jpg

FPNC: Vision pa logra participacion y integracion

Desde inicio FPNC tabata tin como mente manera tambe ta ser describi den e ...

svb fondo malesa.JPG

Entrada cu fluho di trahadonan registra a produci pa fondo di malesa

Ainda ta prematuro pa Banco di Seguro Social (SVb) por tin un bista precies ...

Awe ta di Dia Internacional di Museo

Aruba su museonan tambe ta celebrando nan dia hunto cu ICOM, cu ta e ...

Ministerio Publico di Aruba y di Colombia ta firma MOU

ORANJESTAD – Diaranson ultimo procurador general di Aruba Alexander van Dam y Fiscal General ...

5 morto na St. Maarten, scolnan na Aruba cera trempan

E ultimo informacion ta cu horcan Irma a tuma bida di 5 persona na ...