E desaroyo aki ta un paso importante den e compromiso di Qredits pa sostene e sector empresarial local y fortalece economia di Aruba.
Cuminsando 1 di october 2026, Qredits lo aumenta e suma maximo di su prestamo comercial di AWG 200.000,- pa AWG 300.000,-.
E aumento aki ta representa mas cu solamente un limite di credito mas halto. E ta
refleha nos confiansa den empresarionan local y reconocemento cu empresanan tin mester di miho acceso na financiamento pa nan por crece, innova y crea
oportunidadnan nobo pa nan negoshi.
Empresarionan frecuentemente tin ideanan fuerte, experiencia valioso y e
determinacion pa logra exito. Sinembargo, acceso na financiamento adecuado por ta un di e desafionan mas grandi cu nan ta enfrenta. Cu e aumento di e suma maximo di prestamo te cu AWG 300.000, Qredits kier yuda mas empresario local pa haci e inversionnan necesario pa por sigui expande nan negoshi.
Cuminsando na october, empresarionan local estableci cu ta cumpli cu e condicionnan por aplica pa un prestamo comercial via nos website: www.qredits.com. Cada
aplicacion lo wordo evalua conforme e criterianan di credito y e proceso di aprobacion aplicabel di Qredits.
Nos ta encurasha empresarionan estableci na Aruba pa explora e oportunidad aki.
Qredits Aruba ta conoci den e sector empresarial por medio di yuda varios
comerciantenan cu micro financiamento pa cuminsa y expande
nan propio negoshi. Qredits Aruba tambe ta sostene empresarionan via coaching,
recursonan y programanan educacional.
