(AP) – Rapper Fetty Wap a ser acusa riba diabierna di a participa den un cospiracion pa trafica cantidadnan grandi di heroina, fentanyl y otro droganan den e region di New York City.

E rapper, ken su nomber real ta Willie Maxwell, a keda aresta riba diahuebs na iti Field, cas di e Mets, unda cu e festival di 3 dia Rolling Loud Hip-Hop tabata tumando luga. Un acusacion criminal formal cu previamente a omiti Maxwell su nomber, a bolbe pone esaki pa publicamente agrega su nomber na e caso cu ta involucra 5 persona mas, incluyendo un miembro di cuerpo oficial di New Jersey.

“E hecho cu nos a aresta e artista famoso y un miembro di cuerpo policial como parti di conspiracion ta ilustra con vil e benta di droga a bira,” Michael J. Driscoll, un oficial cu FBI su oficina di New york a bisa den e declaracion.

E acusacion formal ta acusa Maxwell y e otro acusadonan cu conspiracion di posee y distribui mas di 100 kilogram di heroina, fentanyl t cocaina entre juni di 2019 y juni 2020. E plan tabata di usa autonan di U.S. Postal Service cu compartimento scondi unda cu nan por hinca e narcotico y transporta esaki di West Coat pa Long Island, unda cu nan lo keda warda pa distribucion na dealer di Long Island y na New Jersey, autoridadnan a conta.

Maxwell, ken tin 30 aña di edad declara su mes inocente y a keda ordena na keda den prizon sin posibilidad di libertad na un audiencia virtual riba diabierna. Su abogado, Elizabeth Macedonio, no a argumenta pa libertad y e fiscal a conta e Hues cu nan tabatin un trato potencial na caminda.

No tabatin respuesta inmediato na un mensahe laga pa Macedonio buscando comentario.

Maxwell a aumenta den popularidad despues di su prome cantica “Trap Queen” cual a yega e posicion number 2 di U.S Billboard Hot 100 den mei 2015.

El a tene otro incidente cu ley, incluyendo un aresto di Las Vegas pa supuestamente asalta 3 empleado na un hotel-casino. Tambe el a keda aresta den novmber 2017 y a ricibi sentencia pa motibo cu el a participa den careda na New York City y a conduci burachi.

Maxwell a experiencia tragedia personal den october di aña 2020, ora cu su ruman homber chikito di 26 aña yama Twyshon Depew, a fayece despues di ricibi tiro den Paterson, New Jersey.

Despues, den juni di aña 2021, Maxwell su yiu muhe di 4 aña Lauren, a fayece.