RCA lo ta den grupo C hunto cu One Love United FC di British Virgin Islands, Liberta Blakchawks SC di Antigua & Barbuda y Amical Club D’etang Noir di Guadeloupe den e 2020 Concacaf Caribbean Club Shield cu lo tuma luga na Corsou.
Algun rato pasa a tuma luga e loting pa e Caribbean Shield unda e campeonnan di Aruba, RCA a cay hunto cu e tres ekiponan Love United FC, Liberta Blakchawks SC y Amical Club D’etang Noir.
E Confederation of North, Central America and Caribbean Association Football (Concacaf) a scoge Corsou como e pais anfitrion pa host e 2020 Concacaf Caribbean Club Shield. E competencia ta pa clubnan amateur den Caribe mientras e torneo lo ta di April 3-12, 2020 den stadionnan Ergilio Hato y Dr. Antoine Maduro na Willemstad, Curaçao.
E 15 ekiponan participante na e torneo ta:
Liberta Blackhawks SC (ATG)
SV Racing Club Aruba (ARU)
Barbados Defence Force Sports Programme (BRB)
SV Real Rincon (BOE)
One Love United FC (VGB)
Scholars International SC (CAY)
FC Santiago de Cuba (CUB)
SV Vesta (CUW)
South East FC (DMA)
Amical Club D’Etang Noir (GLP)
Club Franciscain (MTQ)
Metropolitan Football Academy (PUR)
Platinum FC (LCA)
BESCO Pastures FC (VIN)
SV Inter Moengo Tapoe (SUR)
Den e dos edicionnan anterior di e Caribbean Shield Cup e ekiponan Club Franciscain di Martinique (2018) y SV Robinhood di Suriname (2019) a bira campeon di e torneo.
