SV RCA, cu diabierna ultimo a celebra 85 aña di existencia, kier gradici tur persona cu a yega misa y tambe a pasa club pa un rato ameno.
Na e ocasion aki a duna un gradicimento y reconocimento masha special na Danny Kelly, Icho Matos y Rafa Vanegas. Tambe na Tropical Bottling Company, Welcome Back Snack, Urataka Center, Pizza Hut, Romar Trading, un danki pa boso contribucion pa cu e anochi aki.
Pa locual tabata e bautismo di uniformnan nobo di tur division, directiva ta gradici tur nos patrocinadonan, di Big Wheel Lottery, Powerade, Welcome Back Snack. Interprint, Aruba Bank, Burger King, Guardian Group, Print Media, Seasalt, the Old Fisherman, Shell Helix, te Around Aruba Tours.
Tambe directiva ta invita e fanaticada completo pa ban yega stadion mañan, diaranson, pa 8or den CDGPT pa apoya nos Soldatnan Tricolor cu lo enfrenta Nacional.
RCA ta biniendo di dos victoria convincente, 4-0 vs La Fama y 8-0 vs Riverplate. Los Tricolores ta na di dos luga cu 5 punto diferencia cu e lider Nacional. Entrada ta Awg 7.00 y mucha te 12 aña solamente Awg 2,00. Fanaticonan Tricolor ta drenta stadion na e porta pega cu e Gym ya cu RCA ta home-team. Den half time lo rifa un jersey nobo di 85 aniversario. Tambe por pasa club tur diamars y diahuebs atardi pa cumpra bo jersey cu e logo 85 aña cerca Yazmira Tromp.
