(DiarioLibre) – Den su prome recorido na provincianan di e pais, presidente Luis Abinader a sigura cu gobierno ta haciendo tur esfuerso pa mitiga e impactonan di e crisis internacional cu a aumenta prijs di suministronan pa produccion na nivel mundial.

“Nos intencion ta mitiga pobresa y mas ainda cu a toca nos goberna den e pio crisis di e siglo, den cual prijs di tur producto a aumenta, incluyendo fertilisante, door di cual a toca nos enfrenta un costo grandi di subsidionan, pero apart di esey, nos a recupera trabaonan y a duplica e financiamento pa sector agricultor”, presidente Abinader a resalta.

“E gobierno aki t’ey pa yuda y hunto cu boso, yuda boso den boso problemanan, pero tambe sali definitivamente di e pobresa a traves di e financiamento di empresanan chikito y mediano, a traves di Promipyme y Banco Agricola, y a traves di hopi otro mecanismonan cu nos ta buscando pa yuda boso”, e mandatario a manifesta.

Abinader a afirma cu e plan- y programanan di asistencia medico y social “Primero Tu” cu gobierno ta desaroya a traves di Direccion General de Proyectos Estrategico y Especiales de la Presidencia (Propeep) tin proposito di beneficia y yuda hendenan di pueblo- y barionan di e capital y provincianan, specialmente na esnan mas vulnerabel y den pobresa extremo, pa mehora nan calidad di bida.

Abinader a resalta e impacto cu esakinan tin pa hende di menos recurso, pasobra nan ta ricibi asistencia y servicionan di alrededor di 12 institucion y entidad di e Estado, concentra den un solo luga.

E hefe di Estado a manifesta na e hoben-, adulto-, muhenan na estado y personanan di edad avansa cu gobierno a pone prioridad na brinda asistencia y atencion na hende di menos recurso di henter e pais, y a traves di e trayectonan atende nan necesidadnan principal y demandanan di servicio.

 

LEAVE A REPLY

Please enter your comment!
Please enter your name here