E yamado cu presidente Luis Abinader a haci na sociedad Dominicano pa uni dene lucha contra e pandemia di Covid-19, cu a provoca 88.127 caso cu 1.501 victima mortal, a haya respaldo tanto di e partidonan opositor, gremionan di salud, empresario, como tambe di religioso, cu ta comprende cu ta trata di un tema nacional.

El a pidi e pais “pa acompaña nos, tur uni den e gran tarea aki, cu ta un obhetivo patriotico y p’esey ta requeri cu tur hende ta acompaña nos lubidando bandera politico.”

Como medida inmediato el a relata cu lo cumpra 100 mil prueba PCR y lo aumenta pa 7.000 prueba pa dia, lo autorisa siete laboratorio mas, lo aumenta e presupuesto di Salud Publico cu RD$16.000 miyon, lo contrata mil medico y lo parti kits di higiena contra e virus.

Encuanto e pedido di e presidente, e coordinador politico di Fuerza del Pueblo, Radhames Jimenez, a respalda e yamado y a considera e propuesta di presidente Abinader sensato pa enfrenta e crisis cu exito.

“E situacion den cual e pais ta bibando ta requreri esaki. Nos ta dilanti un pandemia cu a provoca un crisis di salud cu consecuencia desastroso pa nos economia,” el a indica.

Igualmente doctor Ramon Alvarado Mendoza, titular di Secretaria di Salud, a aproba tur e medidanan anuncia.

Circe Almanzar, vice-presidente di e Asociacion di Industria di Republica Dominicana (AIRD), a manifesta cu e ta uni na dicho dialogo ya cu e implicacionnan di e virus tin un alcance mas amplio cu e tema di salud. “Ta importante discuti tur cos cu tin di haci cu sostenibilidad financiero, cu actividad economico y e repercusion cu e coronavirus tin na nivel di sociedad Dominicano,” el a bisa.

Cu 88.127 caso di Covid-19, di 113.584 den region di Caribe, Republica Dominicana ta suma alrededor di dos tercera parti di tur caso.

LEAVE A REPLY

Please enter your comment!
Please enter your name here