Republicanonan ta bisa cu presidente Trump a ‘fractura Merca’


Presidente Mericano Donald Trump a proclama un momento Mericano nobo ayera mientras el a duna su prome discurso ‘maiden State of the Union’ dirigi na congreso.
E lider Republicano a bisa cu e ta extende su man pa Democratanan por bin traha hunto. Trump tambe a bisa cu e lo ta ordenando pa Guantanamo Bay keda habri,  contrario locual a sosode durante presidencia di Obama pa cera e campo controversial aki di detencion. E economia Mericano ta bayendo basta bon pero e popularidad di presidente Trump no mesun cos. “No tin un miho momento pa cuminsa biba e soño Mericano,” el a bisa e legisladornan durante su discurso di dos ora ayera.

Mas cu 40 miyon televidente tabata mirando e discurso aki y e presidente a subraya riba e esfuerso di un solo team, un famia y un sociedad di hende uni manera un famia Mericano lo semper duna su fruto.

E presidente a toca riba varios punto manera empleo – unda 2.4 miyon trabao a wordo crea den su prome aña manera presidente – infrastructura y imigracion. E Democratanan ta bisa cu Trump su palabranan bunita ayera tabata pa purba politicamente papia pa Mericanonan cu ta sinti nan mes lubida y fractura.

E democratanan ayera no a lanta para ni aplaudi durante discurso di presidente Trump.
E Democratanan ta bisa cu e ultimo aña hopi hende a pasa masha malo mes, ansioso, rabia y cu miedo. Nan ta haya cu e presidencia aki ta un chaos total.

Fuente: BBC

You May Also Like

image.jpg

Florida: Homber a wordo aresta despues di un ‘Like’ riba Facebook

Un homber na Florida a wordo deteni atrobe despues di a ‘Like’ un potret ...

Candela na un scol na Malaysia: 21 mucha morto

21 mucha y 2 adulto a perde nan bida den un candela cu a ...

Homber ta fayece despues incidente cu polis

Recherche nacional a cuminsa un investigacion riba morto di un homber di Den Haag, ...

Candela a bay cu hopi cas na Chile

Diahuebs marduga un miyon cas di pueblo di Santa Olga a disparce, pa motibo ...

nintchdbpict0002889670951.jpg

Adolescente morto despues di acusacion inhusto di violacion

Diamars cu a pasa Fiscalia di Chile a revela cu un mucha homber di ...

USA: Enfermero aresta pa violacion di muhe den coma

Un enfermero cu tabata suppose di cuida un muhe incapacita den un facilidad di ...