Siman pasa, boluntario di Turtugaruba, Miguel a encontra un turtuga berde perdi riba santo, dolorosamente moviendo riba piedranan. No tabata posibel pa gui’e back den lama. Fundacion Turtugaruba a yama pa pidi asistencia, y departamento di Bombero di Aruba a responde. Hunto nan a logra hiba e turtuga back den lama.

Turtugaruba a ser funda dia 3 di september 2003, pa un grupo di boluntario entusiasta. Dies aña prome, na 1993, a introduci un Sea Turtle Recovery Action Plan (STRAP) na Aruba y e resto di Caribe, como un iniciativa di Programa di Medio Ambiente di Nacionnan Uni (UNEP).

Tom Barmes, kende tabata trahando na DLVV (Departamento di Agricultura, Cria y Pesca) tabata un di e redactornan di STRAP pa Aruba, hunto cu Karen Eckert, director di WIDECAST (Wider Caribbean Sea Turtle Conservation Network). Esaki ta mustra con conservacion di turtuga marino a cuminsa riba e isla siguiendo un plan cu cual ainda ta cumpliendo awendia.

Tin cuatro diferente especie di turtuga marino cu ta bishita Aruba pa pone webo, cada un cu su propio temporada specifico:
Leatherback Sea Turtle – Lederschildpad – Driekiel (maart- september);
Loggerhead Sea Turtle – Dikkopschildpad – Cawama (mei- september);
Hawksbill Sea Turtle – Karetschildpad – Caret (juni- december);
Green Turtle – Soepschildpad – Turtuga Blanco (juli- november).

Tambe a bin miho comprension y bista riba e menasanan principal pa e existencia di turtuga marino na Aruba, y con mester maneha e problemanan aki. A pesar di trabou duro, durante tur e añanan ey, mayoria di problema no a desaparece, pero cu suerte y danki na e esfuersonan enorme di e boluntarionan, e turtuganan marino ainda t’aki.

Na Aruba, e turtuganan marino ta menasa cu extincion pa via di conraminacion, coremento di vehiculo riba duin- y beachnan cu 4×4 y quad, y e perdida di beach unda pa pone neishi, pa motibo di desaroyo di costa a fabor di turismo. Pasobra desaroyo di costa ta bin cu luz artificial, y luz artificial ta un problema grandi pa turtuga marino. Mama turtuga usualmente ta bin tera anochi buscando un beach scur pa traha su neishi. Sinembargo, pa haya un beach scur awendia ta resulta dificil.

Luz ta causa stress y por resulta den e mama bolbiendo lama sin pone su webo. Luz artificial ta causa desorientacion pa e baby turtuga marino (‘hatchlings’). A pesar cu riba Aruba ta existi menasa, e turtuganan ta sigui bin. P’esey Turtugaruba ta specialmente orguyoso di e boluntarionan y e cantidad di persona y organisacionnan den nos comunidad cu tin un luga special den nan curason pa e turtuganan marino.

Tur cuatro especie ta activo na e momentonan aki, cu ta nifica pa e fundacion tur hende riba veld, esta e boluntarionan. Nan ta lucha pa tene e turtuganan, nos ‘repeated guest’ di mas antiguo, semper bolbiendo Aruba y hayando e oportunidad di reproduci akinan.
Pa mas informacion por bishita pagina di Facebook di Turtugaruba.