RIVM: 13 caso di Covid vincula na variante Omicron te awo

(NLTimes) – Al menos 13 persona riba vuelonan na Amsterdam for di Sur Africa a test positivo pa e recien-descubri variante Omicron di e coronavirus SARS-CoV-2. Nan ta e prome casonan conoci di e variante Omicron haya na Hulanda.

E testing ta andando y ainda no ta completo, RIVM a bisa ayera. “E variante nobo por wordo haya den mas muestra di test”, e instituto di salubridad publico Hulandes a bisa den un declaracion.

Minister di Salud, Hugo de Jonge a enfatisa den un conferencia di prensa ayera tardi cu tur biahero for di Sur Africa mester bay cuarentena inmediatamente na yegada. GGD ta bay ta den contacto cu hende bolbiendo for di un area di riesgo halto. “Nos ta preocupa, pero con preocupa nos ta ta bay mustra den proximo simannan”, De Jonge a bisa.

RIVM a anuncia riba diasabra nochi cu ta altamente probable cu e variante Omicron ya ta na Hulanda. Cabesante di Sindicato Hulandes pa Cuido Intensivo, Diederik Gommers, a bisa cu mester compila mas informacion riba con contagioso e variante Omicron ta, si e ta haci e hende cu ta infecta mas malo, y con e vacunanan ta reacciona na e mutacion. “Ta hopi serio, pero nos no sa hopi hechonan tampoco”, Gommers a bisa den WNL op Zondag. “Tin hopi incertidumbre y esey ta loke ta duna nos miedo.”

Un total di 61 di e 624 persona abordo di dos vuelo a test positivo pa cualkier variante di coronavirus. A isola e personanan den un hotel cu guardia cerca di Schiphol, unda nan mester keda pa al menos cinco dia si no tin sintoma y siete dia si nan tin. Biaheronan cu a test negativo mester pasa cuarentena na cas pa cinco dia y despues bolbe haci test.

E organisacion a pidi un biaha mas pa biaheronan cu a pasa tempo den sur di Africa haci test pa coronavirus, hasta si nan ta asintomatico. GGD a habri un hotline special pa e biaheronan aki haci nan cita.

RIVM a bisa cu cualkier persona cu yega Hulanda for di Botswana, Lesotho, Malawi, Mozambique, Namibia, Sur Africa, Swaziland, y Zimbabwe mester tuma contacto cu GGD, specialmente si nan a biaha riba of despues di 22 di november. A implementa un prohibicion di biahe pa ciudadanonan di fuera di Union Europeo den e paisnan aki, pero ciudadanonan di UE por keda biaha bay y bin. “Mi a pidi RIVM pa conseho riba restriccionnan di biahe generico adicional y mi kier papia cu otro paisnan Europeo riba con pa procede”, De Jonge a bisa.