(LaPatilla) – Holor malo, bay bin, color scur, esey ta algun di e inconvenientenan cu e servicio di awa na Venezuela ta presenta. Segun organisacionnan manera e Observatorio Venezolano de Servicios Publicos, e servicio di awa ta presenta indice eleva di percepcion negativo di parti di e ciudadanonan.
E causa di e problemanan ta diverso. Esun principal ta falta di inversion di estado y e tarifanan abao cu no ta permiti usa e placa colecta pa mehora areanan critico. Mientras esaki no ta sucede, e ciudadanonan ta sufri di racionamentonan prolonga y un calidada di awa abao cu ta produci malesa den hopi caso.
Asina a splica pa e programa En Este Pais, Raul Cordoba, economista, investigador y coordinador di e Monitor de Servicioso Publicos di e Centro de Difusion del Conocimiento Economico para la Libertad, Cedice.
Segun Cordoba, otro parametro pa evalua ta e cobertura, unda e tuberianan ta un problema pasobra no tin mantencion y presion necesario. “Nos a detecta cu alrededor di 40 porciento di tuberia ta lek.”
