Robert Leal: Con aborto por traha mentalmente den hende muhe

ORANJESTAD – Den un entrevista cu psycholoog Robert Leal, a papia tocante asuntonan di aborto cu por tin efecto den persona su bida, ora nan perde of no kier un yiu na e momento ey.

Aborto por pasa den hoben y adultonan. E por bin di un influencia, pero kico por pasa, of ki problema e por trece si un persona haci aborto? Segun Leal e ta bisa cu pa mayoria di persona cu ta haci aborto ta trece algun problema. E ta agrega cu tin excepcion, pero e ta masha poco.

Pero tin caso pa esunnan cu realmente no ta mishi nada den nan, segun Leal ta splica, ‘nan ta wak e un manera fisico’. E ta bisa tin e grupo aki, pero ta minoria. Tin diferente caso, manera si e ser femenino tabata kier tin e yiu. El a aborta pa e situacion inespera. Tin caso cu nan tabata kier un yiu, pero a perde.

Tin situacion cu e homber no kier yiu, anto ta keda pusha su pareha pa no haya yiu, pero e pareha si kier e yiu. Den caso ora e ta su ‘byside’ amante di e homber, of no tin pareha mes. Den e tres caso aki, e homber no kier nada cu e yiu, principalmente ora e ta hoben.

Leal ta bisa cu den mayoria di caso homber ta esunnan cu no kier y muhe si. Locual pasaora un persona ta aborta ta ‘e sentimento di culpa’. Leal ta splica cu e ta un tristesa interno. E ta mara na miedo y tristesa, anto nan ta keda riba e pensamento cu ‘locual mi a haci ta un daño’.

Segun Leal e culpa hunto cu e miedo ta keda. Un muhe cu a haci e aña pasa of pa varios aña caba, tin ainda cu ta cana cu e culpa di e aborto. “Tambe ta depende di ki sorto di creencia tin su tras.”

E ta continua splica cu e tema di creencia ta, ‘ta matando un hende’, den e caso aki e culpa ta ‘bira mas grandi ainda’. Tin esunnan cu ta mas hoben, y e pensamento di no por sigui studia t’ey. Anto ta prefera aborta, pa asina evita algo bay malo den nan estudio of conflicto cu nan mayornan.

Pero den tur caso e ta varia, bida a cuminsa cambia, pero ainda ta existi e concepto di cu aborta ta un asesinato. E concepto, segun Leal, di creencia y e culpa mas fuerte. E sistema di creencia ta hunga un rol grandi, cual ta haci e dolor keda mas largo.

Sinembargo Leal ta splica cu tin persona cu no ta ni religioso, ‘e ta un ateo’ pero toch e persona ta pensa cu aborto ta un asesinato. Tambe ta sinti culpabilidad, pero esunnan cu ta wordo afecta mas frecuentemente ta religioso. Nan ta bisa si ‘Dios a mand’e, ken ta abo pa mat’e’. Segun Leal esey ta hopi clientenan hende muhe cu kier yiu, pero den nan matrimonio nan ta keda perde yiu.

Tin cu ta kere den futuro, pa motibo cu el aborta den pasado, Dios ta castiga di no tin yiu mas. Leal ta bisa cu esey ta den parti di consulta, ora nan bisa locual nan ta sinti. “E momento ey nan ta sinti un castigo di Dios. E sistema e fundeshi, di cu e ta algo religioso, esey por strob’e.”

Locual ta pasa den e parti ey segun Leal ta cu pa motibo nan tin e tension di sentimento di culpa, ta pone cu nan sistema di curpa paden no ta duna e permiso. “Nan sa cu tin algo cu no ta permiti nan.”

Leal ta splica cu e proceso ta diferente. E no ta manera nan ta splica, cu e sperma ta drenta e ovulo, ‘esun mas lihe y balente ta drenta’, e ta bisa cu no ta esey. E ovulo ta esun cu ta dicidi cua e kier tuma. “E ta increibel, pero mayoria di hende muhe no tin e informacion cu un muhe ta esun cu ta dicidi.”

Pa e motibo, aki Leal ta bisa cu nan ta spera, pero nan mes ta warda pa e proceso, asina nan por tuma e decision. Den su practica manera un psycholoog, e ta bisa e ser femenino ta drenta den un nivel di baha stress. E ta importante pa e muhe principalmente. “E ora ey nos ta traha cu hende muhe, pa asina nan por los e carga pisa cu nan tin riba nan schoudernan. Pa nan por relaha nan mes.”

E no sa cuanto e proceso por dura. “Tur cos ta depende e situacion cu e muhe a pasa aden. E por ta siman of lunanan. Pero e ora e proceso caba, e cerebro mes ta cuminsa gara e señalnan.” E ta bisa cu despues di tiki tempo, e muhe ta yega bek, anto bisa Leal cu finalmente nan ta na estado.

Leal ta bisa cu e no ta algo magico manera hende ta bisa, pero cu e ta bin cu su maneho. Aki 4 luna, e cerebro ta gara bek y ta funciona. “E ta bunita pa tende situacionnan asina, cu nan ta yega y bisa cu nan ta na estado.”

 

You May Also Like

20jun, NW, despa.JPG

DESPA: Tipnan valioso pa tene na cuenta si bo ta bay vakantie den exterior

– Departamento di Salud Publico (DESPA) ta ofrece conseho y yudansa na tur habitante ...

21jan, JM, Serlimar.JPG

Serlimar cu varios cambio pa 2016

Aña 2016 lo ta un aña cu Serlimar lo mira algun cambio, como tambe ...

cede aruba y unoca.jpg

CEDE Aruba no por absorba falta di UNOCA actualmente

ORANJESTAD – UNOCA ta pasando den un proceso di restructuracion interno y cambio riba ...

20151014_111257.jpg

Cas di cultura mester 150 mil florin pa master plan pa renobacion edificio

ORANJESTAD – Vicky Arens director di Cas di Cultura hunto cu Edmond Tujeehut y ...

Locutor Oz Jansen ta haya 18 luna di castigo

Locutor Oz Jansen acusa di tene relacion sexual cu un mucha muhe menor di ...