(CNET) – BeBot ta un robot di control remoto cu tin meta pa asisti den e tarea masivo di tene beach limpi.
Tene un beach limpi ta hopi trabao. Hasta un team diligente di limpiadornan heroico por faya pidanan chikito di plastic of ‘basura eterno’. Si laga esakinan riba beach, e pidanan di plastic aki ta continua kibrando den pidanan mas chikito y yega den stoma di parha, turtuga, pisca, y hasta den organonan humano. Aki ta unda BeBot ta bira util.
E robot completamente electrico aki a wordo desaroya pa fabricante marino, Poralu Marine. E prome cu a lansa riba beach Mericano ta ubica na Florida, y compania di limpiesa marino, 4ocean a cumpr’e. Su sistema di propulsion track continuo, cu ta parce algo cu bo lo haya den un tanki, ta yud’e move suave riba santo. Mientras e ta core riba e beach, su sistema ta separa plastic y desperdicio, lagando un pida di santo limpi su tras.
A diferencia di un Roomba, BeBot ta haci limpi cu ayudo di un operador a control remoto. Su desaroyadornan a bisa cu e escogencia di no haci e roboto autonomo tabata pa motibo di preocupacion pa seguridad regardando famianan cu ta bay beach (tanto humano como turtuga di lama). Tanto BeBot como su control remoto tin un boton di stop di emergencia.
Ta existi alrededor di 30 Bebot, y desaroyadornan di e robot actualmente ta acercando hotel, resort y municipalidadnan como potencial clientenan.
BeBot no ta e unico robot di limpiesa ambiental cu Poralu Marine ta ofrece. E ta parti di un famia di aparato mas grandi, yama Searial Cleaners, cual tambi ta inclui e Pixie Drone flotador (cu ta colecta desperdicio solido y likido) y e Invisibubble (slangnan perfora cu ta usa un fluho di bubble pa guia desperdicio flotando na un punto di colecta).
Obviamente, BeBot y e Searial Cleaners no por resolve nos problema di contaminacion riba nan mes, pero nan por compila datonan valioso riba ki sorto di desperdicio ta mas prevalente na un dado beach, y yuda conscientisa riba no laga desperdicio atras riba beach na prome luga.
