Un robo di diamante balora na 180 mil euro na un joyeria na Roermond, cu a tuma luga ya caba for di december 2018, a wordo haci conoci te cu awe pa publico general.

Tabata riba un diasabra 29 di december cu 4 homber a drenta un joyeria y mientras 1 di nan tabata distrai e trahado, e otro 3 nan a habri diferente vitrina y a saca e diamantenan. Despues di esaki, tur 4 homber a sali bek di e luga y haci como sifuera nada un pasa.

Den un declaracion pa e medio 1Limburg, polis a duna di conoce cu na prome instante nan no a anuncia nada di e robo, como cu nan tabata purba diferente tactica y metodo pa gara e ladronnan. Nan a entre otro papia cu diferente testigo y a pasa potret di e caranan den diferente database.

Pa motibo cu no a logra haya nada concreto y no a logra haci aresto, e cuerpo policial a dicidi cu ta momento pa publica imahen di camara di e ladronnan y pidi cooperacion di tur ciudadano cu por tin cualke tips.

Potret ta cortesia di nos.nl.

LEAVE A REPLY

Please enter your comment!
Please enter your name here