Ta sinti cu e ta un menasa pa motibo di protesta contra e molester di UTV

Desconocirnan ta parce di a manda mensahe na dos dama, uno di edad adulto mayor, cu tironan di ‘ball bearing,’ esta balanan di metal. E prome tiro tabata Diasabra atardi cu casi a hera dal un mucha y e siguiente tabata riba auto di e columnista conoci y persona cu ta hopi vocal riba e molester di UTV, Rona Coster.

Ambos ta convenci cu e tironan, cu a destrui bentana di cas y bentana di auto di Coster, ta manera un advertencia pa nan stop di exigi control di molester di UTV.

“ Mi a bay na mi auto rond di 9:15 di mainta. Asina cu mi a habri e porta di auro y cer’e despues, m’a scucha un zonido duro di glas kibrando. E bentana patras di auto tabata kibra na miles di pida,” Rona Coster a conta Bon Dia Aruba.

A avisa polis pa ambos caso. Tanto e patruya di accident como specialistanan forensico a atende cu e caso y e victimanan a haci nan denuncia. A usa e mesun tipo di proyectil den ambos caso, esta e ball bearing, un bala di metal solido.

Bisiñanan preocupa ta rabia cu Gobierno a permiti e problema di UTV bay for di man y a bisa Bon Dia Aruba cu e atake aki ta ilustra un peliger grandi pa turismo di Aruba.

 

LEAVE A REPLY

Please enter your comment!
Please enter your name here