Pa hopi tempo caba sindicato SADA a yega di seƱala cu nan tin falta di personal pa haci e trabou cu nan tin cu haci. Hopi biaha e gremio comercial cu nan container no ta sali na tempo.

Nan ta keha pa falta di personal pa realisa e trabou di control pa ehempel di articulonan cu ta bin den container. SADA lo sigui bringa pa trece mas hende den cuerpo pa eherce nan trabou mas efectivamente.

Sinembargo presidente di SADA, Edward Maduro ta mira cu den e temporada di campaƱa pa eleccion, e sindicato aki cu ta representa e duaneronan por a tuma nota cu practicamente tur partido no ta menciona mes duana den nan plan y/of debate.

Nan por tende cada bes cu pa ehempel ta falta polis riba caya, pero masha poco nan ta tende cu ta falta mas duanero den frontera.

Sindicalista sr. Maduro ta haya cu esaki ta refleha un falta di prioridad pa e trabou cu duana ta haci pa esunnan cu kier dirigi nos pais. E ta considera cu ta un lastima, ya cu den tur parti di mundo e prome yama pa cuida e frontera ta duana.