SADA ta lamenta cu duana ta keda neglisha den plan y debate politico

Pa hopi tempo caba sindicato SADA a yega di señala cu nan tin falta di personal pa haci e trabou cu nan tin cu haci. Hopi biaha e gremio comercial cu nan container no ta sali na tempo.

Nan ta keha pa falta di personal pa realisa e trabou di control pa ehempel di articulonan cu ta bin den container. SADA lo sigui bringa pa trece mas hende den cuerpo pa eherce nan trabou mas efectivamente.

Sinembargo presidente di SADA, Edward Maduro ta mira cu den e temporada di campaña pa eleccion, e sindicato aki cu ta representa e duaneronan por a tuma nota cu practicamente tur partido no ta menciona mes duana den nan plan y/of debate.

Nan por tende cada bes cu pa ehempel ta falta polis riba caya, pero masha poco nan ta tende cu ta falta mas duanero den frontera.

Sindicalista sr. Maduro ta haya cu esaki ta refleha un falta di prioridad pa e trabou cu duana ta haci pa esunnan cu kier dirigi nos pais. E ta considera cu ta un lastima, ya cu den tur parti di mundo e prome yama pa cuida e frontera ta duana.

You May Also Like

Vota sabi hunto cu Bon Dia Aruba!

E siman aki Bon Dia Aruba ta cuminsa cu un campaña pa informa ciudadanonan ...

Pensionado/ trahado di afo mester haya AZV di biaha?

Tur siman nos ta publica e resultadonan di un poll riba un ponencia hunto ...

Movimiento Arubano Soberano(MAS)

Nos a drenta aña electoral 2017 y ya caba por mira algun partido preparando ...

Bo ta pro pa haci productonan cu sucu mas caro?

Tur siman nos ta publica e resultadonan di un poll riba un ponencia hunto ...

PPA – Un partido social democrata

Nos a drenta aña electoral 2017 y ya caba por mira algun partido preparando ...

POR a hiba un campaña informativo y educativo basa riba contenido

Lider di POR, Otmar Oduber a mira un clausura di campaña fructifero den cuadro ...