Relaciona cu trabou di mantencion, WEB Aruba ta informa cu ta necesario pa saca e tanki di Seroe Preto na San Nicolas for di servicio pa un periodo di mas o menos 2 luna. Durante e periodo aki algun bario di San Nicolas lo por experiencia un caida den presion di awa na momento cu e consumo di awa ta halto. Esaki lo por sosode mainta entre 7 y 9 am y atardi entre 5 y 8 pm. Ta pidi habitantenan di Seroe Preto, Juana Morto, Kustbatterij, Weg Fontein, De Vuist, Seroe Colorado, Diamantenbergweg, Seroe Dak Weg, Lago Heights y Nijhofstraat pa tuma contacto cu storingsdienst di WEB Aruba en caso cu ta experiencia un caida den presion di awa. Por yama di dialuna te diabierna entre 7.30 am y 7 pm na telefon 525-4200 y despues di 7 pm y den fin di siman na telefon 525-4600. WEB ta ofrece su disculpa y ta haci su maximo esfuerso pa limita e inconveniencia durante e trabou di mantencion necesario na tanki di Seroe Preto.
