Trahadonan den sector agricola ta subiendo caya un biaha mas pa mantene presion riba gobierno provincial pa reduci medidanan pa combati contaminacion cu nitrogeno.

Un convoy di tractor for di Friesland y Texel tabata biahando pa Haarlem ayera mainta pa protesta e cas di asamblea provincial, unda oficialnan ta conduciendo un debate riba e reglanan di nitrogeno

Organisadonan a bisa cu tabata spera alrededor di 200 agricultor pa presenta. Agricultornan di Friesland exitosamente a lobby luna pasa pa elimina e regulacionnan den nan propio provincia, incluyendo un regla cu tabata bisa cu edificionan nobo lo ricibi permiso di plan unicamente si e agricultornan por demostra cu nan emision di nitrogeno no lo aumenta.

Gobiernonan nacional y provincial ta introduciendo regulacion ambiental nobo, mas restrictivo, desde cu Conseho di Estado a dicidi na mei cu e sistema di plan actual no tabata cumpli cu ley di conservacion Europeo. Tur pais di Union Europeo tin obligacion di protege e areanan designa ‘Nature 2000’, door di tuma stap pa limita emision di nitrogeno.

E movida a ser ricibi cu resistencia fuerte for di sector di construccion y di agricultura, ambos cual a tene protesta na Malieveld na Den Haag den simannan recien. Agricultornan ta argumenta cu gobiernonan provincial no mester cambia nan reglanan te ora cu e gabinete a publica su plan pa reduci emision di nitrogeno.