Ayera pais Aruba a habri su frontera despues di casi tres luna pasa cu a decreta e ‘lockdown’ pa evita e importacion di caso di Covid. E apertura aki ta wordo realisa gradualmente. Ayera a cuminsa permiti e vuelo inter insular entre Aruba, Bonaire y Corsou.

Minister di Turismo, Salubridad Publico y Deporte, Dangui Oduber a bisa cu a pesar cu nos tin e frontera cera cu Merca, e vuelo entre e islanan ABC ta continua. “Te cu e momento aki e ta bayendo bon,” el a bisa.

Mester tene na cuenta tur protocol cu a wordo introduci na aeropuerto pa poco poco permiti cu otro vuelonan di otro pais y region lo por tuma luga den transcurso di e dianan venidero.

El a bay hunto cu MinPres pa realisa un inspeccion na aeropuerto. E por garantisa cu tur medida cu a wordo tuma a ser teni na cuenta pa limita e riesgo mas tanto posibel di importacion di casonan nobo.

 

LEAVE A REPLY

Please enter your comment!
Please enter your name here