Un caiman a gara un mucha homber di 2 aña lastra hiba den laguna na Disney hotel cerca di Orlando y e tata a purba desesperadamente pa skape. Horanan despues di e atake diamars anochi, e mucha ainda tabata perdi a pesar di e buskeda pe cu a dura henter anochi. Aparentemente e mucha tabata canando net na rant di e laguna den un tiki awa na momento cu e caiman a ataca, esaki Chef di Orange County Jerry Demings a bisa.El a sigui bisa cu no tin record di atake similar den e area aki.
Tur hende na Walt Disney Resort ta sorprendi pa e accidente tragico aki, segun vice presidente di Walt Disney resort, Jacquee Wahler. Sr. Demings a bisa cu no tin ningun raport di molester di caiman cu a bin di e region recientemente. E caiman ta entre 4 pa 7 pia di largura, sinembargo Sr. Demings a agrega cu e no ta sigur di su tamaño exacto.
The Reedy Creek Emergency Services call center ta esun cu a ricibi e yama di emergencia banda di 9:16 pm. Segun testigonan di e atake, e mucha tabata cana net den e awa net na rand y tin un box (play pen) 20 pa 30 yarda riba santo for di e laguna. Polis a indica cu tin borchinan di señanl ta indica cu no ta permiti pa landa den e awa eynan y ningun otro hende tabata den e awa apart di e mucha. E motibo cu no ta permiti pa landa den e awa ta probablemente pasobra tin e posibilidad pa tin caiman den nan. Esaki ta Florida y no ta algo incomun pa tin caiman, e chef a bisa. Lo sigui busca te ora cu haya e mucha.
Fuente di infromacion: CNN
