Cuerpo Policial Aruba a anuncia for di algun siman pasa caba cu a lanta un ekipo special cu ta traha bou di e nomber di “Flex Team”. Nan meta ta pa controla y patruya den forma preventivo na luganan strategico tur rond di nos isla. Durante e siman d 6 pa 12 di juni a tene 131 control, den cual a para 31 auto y a listra 119 persona.
Como resultado di e accion aki a realisa 7 detencion, di cual 4 tabata stranheronan di nacionalidad Venezolano permaneciendo ilegal riba nos isla, 1 persona cu no a sigui ordo di Polis y 2 chauffeur burachi. Relaciona cu e mesun controlnan aki a tuma den beslag 17 sker, 1 bate di baseball, 4 cuchiu, 2 grinders, sakitonan di marihuana y algun sakito conteniendo cocaina.
E controlnan a concentra riba gruponan cu ta forma gang rond di Manuelito’s Bar, Cirkle K y Hotel Bacarat. Na mes momento a pasa corda clubnan manera Lekker y De Olde Molen cu nan tin cu cera na e orario stipula den nan permiso y a percura pa core cu tur bishitante pa nan bay nan cas.
