Segun presidente di Stichting Rancho, Clifford Rosa: Rapport di ROP nobo no a duna suficiente informacion

ORANJESTAD – Stichting Rancho a tene su Town Hall Meeting tocante e ley nobo di ROP (Ruimtelijk Ontwikkelings Plan). E presidente di e fundacion aki, Clifford Rosa a laga sa cu esaki ta un forma pa trece informacion dilanti.

“ROP ta un documento cu comunidad mester compronde,” el a expresa.

Mas informacion
Rosa ta agrega cu si comunidad no ta compronde e concepto di e ROP nobo, ‘nos tin un problema hopi grandi.’ E motibo di e problema aki ta cu nos tin cu biba cune pa 10 aña. P’esey nan a dicidi di bin cu e tipo di reunion aki, cu a tuma luga na Centro di Bario Playa Pabao, unda a participa cu otro fundacionnan.

Rosa a gradici e presencia di e publico y instancia e anochi ey, ya cu e ta considera nan participacion ‘sumamente importante’ pa haya su comentarionan. Nan comentario ta refleha e deseo di conserva y desaroya. E ta haya cu esaki ta un balans cu pais Aruba mester tuma hopi bon na consideracion, pasobra como pais ‘nos no ta crece mas.’ E intencion di nan ta di por wak e proyecto di e ROP nobo aki den diferente faceta, y kico nan mester comprende di cada un di nan.

Tambe riba con nan mes como Fundacion Rancho ta mira nan mes den e area di e capital cu ta wordo menciona den e ROP. Den dje ta wordo mustra –segun Rosa- cu Rancho su nomber mes mester refleha mas den e area di Oranjestad of capital. Den principio, ora cu ta wordo papia di un ciudad capital, sigur eynan tin hopi historia, desaroyo pa nan monumentonan, y Stichting Rancho ta mira cu practicamente hopi di esey no a tene na cuenta.

E ta compronde tambe cu nos sistema di cuido di monumento no ta mucho visibel den e rapport di e ROP nobo aki. Talbes e ta haya cu esun cu a traha e rapport no a tene cuenta cu esey. Of e organisacionnan competente no a duna suficiente informacion.

“Pa nos acepta esaki y despues yen’e, e ta un cos no corecto,” segun presidente di Stichting Rancho.

Rosa a expresa e preocupacion di un banda, ya cu ta importante pa nan por conserva un poco di loke ta Rancho, pero di otro banda tambe contento cu tin cierto desaroyo cu ta bin, pasobra e ta nifica un formacion pa nan areanan of teritorio. Pero tambe mehora nan area hunto cu e desaroyo cu lo bin cune.

Un punto cardinal tin di haber ‘cuanto tanto hende cu nos kier mester biba pa meter cuadra’ wordo defini di un manera of otro. Riba ken tin cu haci esey, e ta considera cu e ta un compromiso no di un ni dos, sino di ‘nos tur hunto,’ mester defini esaki. Manera otro organisacion, Stichting Rancho a yega di participa den un reunion cu gobierno riba asunto di ROP, pero te eynan.

E fundacion a participa den un reunion den e ministerio, unda nan a yega di trece algun punto dilanti. Pero nan no tabata full prepara, ya cu e tabata un reunion cu a wordo yama urgente. Ora cu nan a wordo yama, nan a kere cu tabata un inicio di un proceso. “Pero e biahe ey a keda den un reunion, y despues nos no a tende nada mas,” el a laga sa na Bon Dia Aruba.

Analisis
Daniella Britt Croes a haci un analisis ariba e rapport, caminda conociendo nan status como stichting Rancho, nan kier a trece un ‘clarificacion’ unda nan ta para despues di 9 aña di existencia. Teniendo na cuenta cu e prome ROP tambe a nace na 2009. Kiermen 10 aña despues, gobierno di Aruba, pa medio di su minister di infrastructura, kier bin cu un ROP nobo. Nan kier pone den un contexto mas cla e maneho riba espacio teritorial y con cada un mester draai. “Ya a bira dos biaha, dies aña cu nos tin cu bay biba cu e ROP,” el a bisa.

Nan a tuma e iniciativa di analisa y lesa e rapport di e ROP nobo aki, pa asina Stichting Rancho por tin un bista di kico nan kier trece dilanti den e rapport aki tambe. Despues di nan Town Hall Meeting, nan lo tin un par di dianan mas di trabou unda nan lo desea por lo menos pone algo riba papel pa nan por entrega.

Despues di nan analisis, Rosa ta bisa cu nan no ta mita e ROP como un menasa cu nan tin cu bay contra dje. Mas bien nan ta mir’e como un desaroyo of proceso cu nan kier mira nan inclusion den e rapport aki. Pero tambe con Stichting Rancho por yuda gobierno yena mas di nan contenido. “Pasobra cada punto bo ta wak cu ta falta informacion,” segun Rosa. E fundacion aki tambe lo kier agrega puntonan den e rapport di ROP aki. Den nan area specifico, Stichting Rancho no ta mira nan ideanan refleha den e rapport aki.

Segun Rosa, comunidad no ta para keto den esey. Nos por wak diferente instancia y organisacionnan, manera Camara di Comercio di Aruba (KvK), cu tambe ta bay tin awe tardi su Town Hall Meeting pa atende cu e asunto di ROP nobo.

 

You May Also Like

Preventief fouilleren durante Carnaval na Oranjestad

Ministerio Publico y Cuerpo Policial di Aruba ta informa cu Polis lo ristra preventivamente ...

Problema di bashamento di awa di pos riba caya bou atencion

Un problema cu ta wordo presenta constantemente y cu ta representa un peliger pa ...

image.jpeg

Aruparking awor cu 15 minuut gratis despues cu bo tempo vence

Na Friends of God Bookstore director di Arubus/Aruparking Teo Croes a tene conferencia di ...

andinbikkernew.jpg

Confirma: Andin Bikker ta join E Forsa Nobo

Un rato pasa durante conferencia di prensa, lider di fraccion di PDR a anuncia ...

249A9378.JPG

Entrante awe accion di swipe barionan Savaneta y besindario

Accion di Swipe ta continua. E accionnan aki ta sigui e siman aki den e ...

Ministerio Publico

Estafa y falsificacion di tramite di permiso di trabou

Un eventual caso grandi di hortamento, estafa y falsificacion di firma relaciona cu tramite ...