(NLTimes) – Paketenan di seguro di salud basico lo cubri e medicina pa coronavirus Paxlovid pa gruponan di riesgo halto cuminsando for di dia 15 di november, Minister Ernst Kuipers di Salud Publico a anuncia.
“Paxlovid ta conoci di ta efectivo pa un grupo chikito di pashent. E coronavirus te ainda tin un impacto social grandi, specialmente den e personanan aki cu ta parti di e grupo di persona di riesgo halto cu tin un salud vulnerabel,” el a declara.
Segun e autoridad di seguro di salud Hulandes NZa, Paxlovid a baha e riesgo di hospitalisacion of malesa severo di coronavirus pa personanan cu tin un riesgo aumenta causa pa otro problemanan di salud pa kendenan e vacuna no ta traha. “Pensa riba adultonan mayor of pashentnan cu tin malesa di curason of pulmon serio. Y personanan cu tin un sistema inmunologico severamente reduci.”
E seguro basico lo reembolsa e costonan di Paxlovid solamente na e personanan den e gruponan di riesgo aki. E medicina ta disponibel solamente pa medio di receta di dokter. “Personanan cu tin mester di e medicamento aki awo por ricibi esaki cu rapidez,” Kuipers a declara.
