Home Policial Señora deteni pa taxi pirata y sin rijbewijs

Señora deteni pa taxi pirata y sin rijbewijs

762

Dialuna anochi un patruya riba quad-racer encarga cu e area di hotel ta wak con un persona den un auto cora A-wagen ta ofrece turista servicio di taxi. E turistanan a subi auto y mesora e polis nan a para e auto.


A bay na controla si e señora tin su papelnan na ordo y si e tin permiso pa haci trabou di taxi. E señora a bisa e polisnan cu ta su primo y prima nan ta. Polis a puntra e turistanan cu tawata hopi spanta y di biaha nan a bisa cu ta turista nan ta y cu e señora a bisa nan cu ta taxi e ta p’esey nan a subi.

Ora cu e señora a ripara cu e no por gaña nada mas e la cuminsa bira fresco cu e oficialnan y bisa nan cu nan no tin nada di puntr’e.  E señora no tin permiso pa haci trabou di taxi y pa colmo e auto no tin ningun documento na ordo y e señora no tin rijbewijs.

Polis a detene e señora pa mas investigacion y tambe mal comportacion. Polis a tuma e auto den beslag. Un otro patruya a presenta y hiba e turistanan nan hotel.