Tira un bista den cualkier sala di cuido intensivo na Merca, y bo lo mira baby malo y prematuro cubri pa waya cu ta ranca nan cuero delicado y ta haci dificil pa mayornan duna brasa y sunchi na nan yiunan.
Awo, investigadonan a crea sensornan wireless cu por finalmente corta e wayanan en cuestion.
Casi 300,000 baby recien naci na Merca ta den cuido intensivo neonatal cada aña, pasobra nan a nace prematuramente of cu problema serio di salud. Ta critico pa track nan curason y otro signonan vital, pues dokternan y enfermeranan por spot di biaha si nan pashentnan di mas jong tin problema.
Sinembargo, eliminacion di waya den cuido intensivo neonatal (NCIU) ta mas dificil, cu por ehempel, midi e curason di un atleta cu un FitBit.
Ekipo di John Rogers, un bioingeniero di Northwestern University, a desaroya un sensor super fini di silicon flexibel cu ta move manera cuero y ta pega sin ningun lijm fuerte.
Despues, e investigadonan a hinca electroniconan den e sensornan pa nan por dobla manera e curpa ta move, y ta waterproof y traha cu materialnan cu no ta interferi cu x-ray of MRI. Ademas, nan no mester bateria. Bou di e cuna tin un transmisor cu ta recarga e sensornan mescos cu un smartphone – mientras simultaneamente ta manda e medidanan di e sensornan na computernan di e hospital.
Cu dos sensor wireless por reemplasa e multiple monitor cu tin awendia – un pa e pecho of lomba, anto un rond di un pia, cu ta traha hunto. Por ehempel, e sensor parti ariba ta midi actividad cardiaco, mientras esun riba e pia ta uza luz pa midi nivel di oxigeno den e sanger. Con largo ta dura pa e pulso di e curason yega e pia ta coresponde na presion di sanger, Rogers a splica.
Con confiabel e sensornan ta? Investigadonan a pone e sensornan riba e curpa di 20 baby na NCIUs afilia na Northwestern, kende tambe tabatin e monitor normal cu waya. E sensornan wireless tabata traha mesun bon, Rogers y su ekipo a reporta ayera den e journal Science.
E estudionan ta continua, y Rogers a bisa cu e sensornan awo a wordo uza riba 80 baby cu resultadonan similar y sin problema cu e cuero delicado.
“Ta realmente asombroso”, Theodora Flores a bisa, mientras e tabata tin su yiu muhe, Genesis, den su brasa na un hospital di mucha na Chicago. Genesis ta parti di e test wireless y e mama nobo a bisa cu menos waya ta nifica cu ‘mi por move mas libremente cune’.
Lo mester pasa mas test pa haya aprobacion di FDA pa e sensornan wireless.
