E inspector Hulandes di Salud y Servicio Hubenil ta bisa cu nan tin evidencia cu tin certificadonan falso di buena conducta VOG den circulacion, despues cu nan a haya personanan nobo cu ta traha den servicio social hubenil cu documentonan falsifica.

Nuebe persona cu ta traha pa un agencia di personal cu a alerta e funcionarionan tocante e problema siman pasa, a ser suspendi y e asunto denuncia na Polis. No ta cla den e declaracion di e inspeccion, si e trahadonan tabatin contacto directo cu e hobennan, of ki trabou nan tabata haciendo.

E inspeccion ta bisa cu nan ta sospecha cu por ta circulando mas certificado VOG y ta urgiendo e hospitalnan, departamentonan di servicio social hubenil y agencianan di personal pa sigura cu nan tin documentonan original pa tur e personal emplea.

E nuebe certificado falsifica tabata tur PDF cu no tin e marcanan di awa y otro simbolonan di siguridad necesario. E ley ta exigi e certificadonan VOG pa personanan cu ta traha cu mucha. E inspeccion a bisa cu lo intensifica nan propio control den e proximo lunanan.

 

LEAVE A REPLY

Please enter your comment!
Please enter your name here