Ciudadanonan a bin ta señala un situacion cu ta lanta hopi pregunta cerca nan. Ta trata di un set di barack cu tin den Colony.

E casnan aki a wordo construi basta tempo atras den Colony na Seroe Colorado. E versionnan, segun e diferente comentarionan, ta cu e casitanan aki, estilo di barack, a wordo construi pa un grupo di Haitiano cu a keda di wordo treci na Aruba, despues di e catástrofe cu a tuma luga na Haiti. Y tambe ta bisa cu a construi esaki pa e trahadonan di e refineria, cual proyecto di renobacion nunca a wordo concretisa. Kico ta e realidad tras di e futuro inversion aki cu no ta conoci ainda si ta gobierno di Aruba mes a pone placa aki , of ta algo otro. E ta un mundo den e mundo di colony sigur algo cu no ta murtra bunita den e bisindario tampoco.

Hecho ta cu aki tin un cantidad di alohamento disponibel pero bandona. Un vista den e baracknan tal mustra cu e camanan tal nobo, tin di nana inda tin plastic lora rond di nan. Pero tur e cambernan tin airco. Y tur otro material eyden ta mustra nobo y e luga nunca a wordo uza. Hecho cu e ta bandona pa basta tempo por mira si na e murayanan cu a crea hopi vocht y sushi. Tur esaki a keda construi cu placa di pueblo di Aruba ?

Por a compronde cu entre otro Guarda Nos Costa mester di espacio pa aloca personanan indocumenta. Kisas esaki lo ta un opcion pa e departamento aki. Sinembargo Minister di Husticia Rocco Tjon a keda di bay averigua e situacion aki mirando cu e no ta na altura cu tin un situacion asina aki na Aruba.

Remarcabel ta esaki por ta un luga di sconde tambe pa e ilegalnan cu ta yega tera y ningun hende no sa di nada. Ciudadano cu a acerca nos medio a duna di conoce cu e ta sinti cu ta traha asina duro pa gara ilegal y di otro banda tin un scondite comodo pa nan yega na dje, pero alabes ta pone enfasis cu no ta un mal idea cu enbes cu GNC ta cerca di aeropuerto, por haci e zona aki special pa e ilegalnan cu ta keda gara pa GNC. Esaki ta pensamentonan cu ta biba den comunidad di e situacion cu tin actualmente na Colony. Un mundo den e mundo di colony mane un area spirito