Sexual harassment no ta haya atencion necesario na Aruba

Despues cu e organisacion About Workplace Harassment (AWH) a publica su investigacion cual a mustra cu 37% di e populacion laboral di Aruba (16.000 hende) ta sufri di molester sexual (sexual harrassment) frecuentemente na trabou, a keda keto. Sigur for di banda di gobierno.

Despues di un lectura ‘exitoso’ na Universidad di Aruba riba e topico, Karin Bosman di AWH a purba di haya oido di gobierno pa bin cu maneho y promove conscientisacion den comunidad pa combati e forma di molester aki. Pero te awor esaki no a duna resultado. Aunke gobierno a haci hopi promesanan, pero finalmente no a resulta den accionnan, segun sra. Bosman.

Sinembargo na Corsou AWH si a logra di convence gobierno pa actua. E organisacion a conducta e mesun investigacion cu nan a haci na Aruba y e resultado tabata relativamente igual : 1 tercer parti di e populacion laboral na Corsou tambe ta sufri di sexual harrasment frecuentemente na trabou (25.000 hende). Segun sra. Bosman gobierno na Corsou si ta tumando pasonan pa tuma accion contra e molester.

E partido mas grandi den gobierno di Corsou, PAR, a invita e organisacion pa bin september y yuda desaroya un ordenansa nacional pa combati e problema. Tambe AWH ta indica cu nan lo yuda e departamento di recurso humano di gobierno di Corsou pa traha un maneho interno contra molester na trabou pa asina duna un ehempel na otro instancianan riba e isla.

Mayoria trahado no ta sinti safe
Despues di e investigacionnan riba e dos isla, ta conclui cu mas cu 85% di e populacion laboral no ta sinti nan mes sigur na trabou. Y cu 71% no sa si nan compania/organisacion tin un maneho contra molester. “Nos mester stop di pensa cu esaki ta algo parti di nos cultura”, segun sra. Bosman.

Topico riba agenda politico

Comienso di september e lo bishita Aruba unda e lo duna un presentacion mas amplio riba sexual harassment na trabou y tambe riba e parti di molester haci digitalmente. Pa motibo cu e promesanan di gobierno no a resulta den accion, sra. Bosman ta spera cu su bishita awor si lo tin efecto. Siguramente awor cu tin eleccion e ta spera cu e partidonan politico lo pone e topico halto riba nan agenda. E ta enfatisa cu e ta keda lucha.

You May Also Like

Comunidad Dominicano na Aruba a celebra e di 173 aniversario di independencia

E siman aki e comunidad Dominicano na Aruba tabata di fiesta patria, ya cu ...

Dos barco cu crudo confisca. Citgo Aruba den corte pa bringa Conoco Phillips

Citgo Aruba ta den corte awor pa bringa e compania petrolero Conoco Phillips cu ...

Aruba mester hues specialisa pa delincuencia hubenil

Stichting Reclassering a tuma nota di e plan di maneho nobo cu minister  di ...

4aprLW maltrata (1).JPG

Dokter specialista a wordo maltrata y menasa cu arma di candela

Diasabra anochi Polis a bay un cas na Savaneta, caminda un homber lo a ...

26aug, NP, Shake (3).jpg

Shake di proteina facil y lihe, pero necesario?

Oke, mi por bisa cu shake di proteina ta na moda. Bodybuilders, personanan fit, ...

GKMB dengue fuminga

Cifra di caso di Chikungunya y Dengue ta bou control

ORANJESTAD – Te cu e prome 9 lunanan di aña 2015, e cifranan di ...