Shenely Tromp a haci historia na e di cuater Youth Parapan American Games na Sao Paulo, Brazil. Esaki tabata diaranson 22 di maart unda cu e hoben – kende ta un T13 sprinter – a bay cu e prome medaya di silver pa Aruba na e weganan di 100m T12-13.
“E ta un sentimento hopi bon, mi nunca por a imagina cu mi lo logra algo asina,” Tromp ta bisa. “E miho parti ta cu mi por a representa mi pais tambe” E hoben a haci su debut internacional na e Youth Parapans, unda cu el a presenta su miho abilidadnan.
E ta bisa: “Ganando e medaya aki ta algo cu no ta sinti real, ami tabata djis haciendo mi best. E Youth Parapan American Games ta hopi importante pasobra tur e atletanan hoben di e Americas ta haya e oportunidad pa competi contra otro, pasa bon y disfruta di un tremendo experiencia.”
