Silvester Stallone ta e nomber mas recien cu ta join elenco di ‘Suicide Squad’. Director di e frankisia, James Gunn a post e noticia riba un post di Instagram diasabra nochi.

“Semper mi a stima traha cu mi amigo @officialslystallone y nos trabao awe riba #TheSuicideSquad no tabata un excepcion”, Gunn a bisa. “A pesar cu Sly ta un strea iconico di pelicula, mayoria di hende no sa con increibel e guy aki ta como actor.”

Stallone a confirma e declaracion respondiendo na e post. “James, biniendo di un director increibel sin descanso, mi ta considera esey di ta e Paramount di elogio! Sigui dal, Sly”, el a bisa.

No ta cla ki rol Stallone lo interpreta den e siguiente pelicula, programa pa tin su lansamento na 2021. CNN anteriormente a reporta cu e pelicula ya tin un elenco yen di strea incluyendo varios actor cu tabata parti di e reparto na 2016.

Margot Robbie ta bolbe como Harley Quinn, hunto cu Jai Courtney como Captain Boomerang, Joek Kinnaman como Colonel Rick Flag, y Viola Davis como Amanda Walker.
Gunn a anuncia cu Idris Elba tambe lo ta parti di e reparto nobo.

Ainda no ta conoci ken lo interpreta e Joker, ya cu ta parce cu Jared Leto no ta bolbe back den e rol di e malvado.

 

LEAVE A REPLY

Please enter your comment!
Please enter your name here