Un homber, sospechoso di mata su ruman y drenta un moskee na Oslo cu arma di candela, a presenta den Corte cu un sonrisa riba su cara golpia. Evidencia ta mustra cu e kier a sigui su meta, atake na Merca y New Zealand.

Experto ta kere cu Phillip Manshaus ta e ultimo ehempel di extremista. Manshaus, di 21 aña di edad, a ser hiba prizon pa motibo di drenta un moskee na Oslo, unda cu tres homber tabata prepara pa celebracion musulman Eid al-Adha.

Polis a informa cu el a tira varios biaha. Despues Polis a haya cerca di e cas di Manshaus e curpa di su ruman di 17 aña, Johanne Zhangja Ihle- Hansen, kende supuestamente a ser adopta na China cu 2 aña di edad.

Manshaus ta sospechoso di su asesinato, segun Polis, pero no a duna detaye. Cu golpi na su cara, Manshaus a drenta Corte na Oslo y ta declara di no ta culpabel y a pidi pa haya libertad. Tribunal a ordena su detencion preventivo pa 4 siman, dos di nan den completo aislamento.

Hefe di Siguridad Nacional di Noruega, Hans Sverre Sjoevold, a bisa cu autoridad a haya un keho aña pasa di e sospechoso, pero no tabata suficiente pa actua pa motibo cu no tabatin informacion di un ‘plan concreto di atake’.

Dagbladet, e corant di mas grandi di e pais, a bisa cu Manshaus a skirbi riba medio social cu e ta esun ‘scogi pa santo Brenton Tarrant’, kende ta responsabel pa tiramento na Christchurch, New Zealand.

Prome Minister Noruego, Erna Solberg, a yama e suceso un ‘atake directo na Musulman Noruego’. El a sugeri pa partido politico uni y stop cu racismo y discriminacion, incluyendo posibel legislacion diseña pa frustra odio conta musulman.

Na henter e pais, Polis a bay mas fuerte den medida di siguridad den relacion cu celebracion di Musulmannan, cu ta celebra te diahuebs.

 

LEAVE A REPLY

Please enter your comment!
Please enter your name here