E homber cu segun polis a tira cu su arma di candela cu e tabatin den su maleta na un aeropuerto di Florida, tabatin un historia di problema mental – algun cu a cuminsa despues cu e tabata den servicio militar na Irak – y tabata hayando tratamento psikiatrico na su cas na Alaska, segun miembronan di su famia a bisa diabierna, despues di e tiramento mortal.

E homber Esteban Santiago di 26 aña ta sospecha di tira 5 hende mata na aeropuerto di Fort Lauderdale na Florida. 8 mas hende a keda herida y ta den hospital.

“E unico cos cu mi por bisa ta cu el a bin di Irak y e no tabata sinti mucho bon”, su omo Hernan Rivera a bisa un corant local. Sr. Santiago a bay Irak na 2010, como parti di National Guard di Puerto Rico, el a pasa un aña eynan como un ingeniero di batayon, segun vocero di National Guard, majoor Paul Dahlen.

Durante e añanan mas recien, Santiago tabata biba na Anchorage Alaska, su ruman homber Bryan Santiago a isa AP di Puerto Rico. Bryan Santiago a bisa cu cu ruman homber su pareha a yama e famia pa alerta nan di su tratamento, pero e no a duna mas detaye. El a bisa cu su ruman nunca a papia cu ne directamente tocante su problemanan medico.

“Nos no a papia pa e ultimo 3 simannan”, Bryan Santiago a bisa. “Esey ta un poco inusual.. mi ta den shock. E tabata un persona serio. E tabata un persona normal.”

Esteban Santiago a nace na New Jersey pero a muda pa Puerto Rico ora cu e tabatin 2 aña, su ruman homber a bisa. El a crece na e parti e pueblo parti zuid Penuelas, prome cu el a drenta National Guards na 2007.

Desde cu el a bolbe di Irak, Santiago tabata den Army Reserves y Alaska National Guard na Fairbanks. El a sirbi como un ingeniero di combate prome cu el a wordo saca pa falta di prestacion, vocero Lt. Col. Candis Olmstead a bisa. Su rango militar prome cu el a wordo saca tabata E3, private 1st class, y e tabata traha un fin di siman pa luna banda di 15 dia pa aña di training, Olmstead a bisa.

Olmstead no a elabora e motibo cu el a wordo saca, pero Pentagon a bisa cu varios biaha el a disparce cu intencion di deserta y a bah’e di rango y kit’e.

Asina mes, e tabatin exito den su carera militar, el a ricibi varios medaya y comendacion incluyendo Iraq Campaign Medal y Global War on Terrorism Service Medal.

Maria Ruiz a bisa cu recientemente su subrino a bira tata y tabata luchando cu su rol nobo.

“Tabata manera el a perde cabes”, el a bisa di su regreso di Irak. “E tabata bisa cu e ta mira cos.”

Santiago tabata biahando di Anchorage riba un vuelo di Delta y a check un solo maleta, esun cu tabatin e arma aden.