Ehecutivo di Mariano Rajoy a mustra dilanti di e Conseho di Minister Europeo di exterior y defensa, tur prueba encuanto intervencion di elementonan cu a participa desde teritorio Ruso y Venezolano, cu obhetivo di desestabilisa Union Europeo, cu e crisis di Cataluña.

Segun informacion cu a ser publica pa e corant Spaño ABC, tur dos minister di Spaña a participa den e reunion aki, pero ninguno di nan a bisa nada cla tocante e regimen Ruso, sin embargo nan a papia di un pais cu tin interes strategico di debilita e bloke Europeo.

María Dolores de Cospedal, minister di defensa di Spaña y minister di exterior, Alfonso Dastis a papia cu su colega di henter e situacion cu ta tumando lugar actualmente y nan a certifica cu tin un ciber atake cu ta busca di afecta e situacion na Spaña.

Algun di e actividadnan aki ta sali for di Rusia y otro mas tambe a sali for di nan cu tin participacion di banda di Venezuela. Esaki ta loke nos sa te awor,” Cospedal a bisa cu Spaña ta sigur di e declaracion aki.

“Nos ta den analisis y awor nos no por sa cua ta tur e organismonan cu ta relaciona cu e caso, pasobra no por bisa te awor cu ta e gobierno di Rusia realmente,” el a declara.