Specialistanan medico di 65 aña di edad no ta contento cu e echo cu desde aña pasa no por haci uzo di e fondo BVZ. Esaki ta forma parti di e medidanan cu a tuma pa por structuralmente baha gasto cu 59 miyon florin.
Asina abogado Luigi Virgnia ta splica di parti di gobierno den e caso cu Vereniging Medisch Specialisten Curaçao (VMSC) a entama. VMSC ta haya cu e landsbesluit cu cual a stipula e criterianan pa contractnan di cuido, bou cual ta regla e edad di pensioen, no wordo desaroya di un manera rasonabel. E asociacion di specialistanan ta premira cu pa via cu 12 dokter mester a kita, ‘mas cu 100 mil pashentnan lo mester busca pa un reemplasante’ y cu ‘un par di 10 mil persona no lo tin un specialista disponibel’. Asina Remco van Arkel, abogado, ta vocifera di banda di e asociacion.
“E listanan di espera lo bira enorme”, e abogado a expresa.
E caso a bin dilanti siman pasa. Di banda di gobierno, a splica cu e meta di nan defensa ta pa mantene cuido medico pagabel. “Esaki ta un meta legitimo di mantene e edad di pensioen na 65 aña.”
Di investigacion haci pa e comision di gobierno institui den december 2018, Taskforce Marktordening en Financiering Zorgsector, ta bin dilanti cu tur specialistanan medico hunto a haya paga 71 miyon florin di e fondo BVZ (basisverzekering ziektekosten), ‘mientras cu tin specialistanan medico cu tin nan propio practica cu ta haya minimo 900 mil florin pa aña’.
“Si mantene e edad di pensioen na 65 aña, e ora ey SVB ta spaar mas cu 500 mil florin pa cada specialista pa aña”, segun Virginia.
