A extende racionamento di awa pa bebe na St. Eustatius. Compania di utilidad di St. Eustatius, STUCO, a pone su clientenan na altura cu pa motibo di un fayo den pomp di presion halto na un di su tres planta di awa, e compania lo continua cu racionamento di awa por lo pronto.
Awa lo ta disponibel pa publico unicamente di 5-8am y atrobe di 5-8pm.
E compania a institui racionamento di awa dia 19 di november ultimo pa varios motibo, manera lek di awa y e hecho cu un di e tres planta di awa a kibra.
