Ta fumiga e siman aki den districto di Paradera y Santa Cruz

249A8501.JPG

Accion di spuit ta sigui y DESPA ta pidi comunidad pa porfabor elimina criadero paden y pafo di cas. Aki bao por lesa e relato cu DESPA a manda prensa:
 

Tin un solo forma pa preveni e enfermedadnan di Dengue, Chikungunya y Zika, cu ta dor di elimina e sanguranan Aedes Aegypti. Mester ta cla pa tur hende cu sin criadero no tin sangura y sin sangura no tin ningun di e tres enfermedadnan ariba menciona.

Ta den cuadro di e medidanan di prevencion cu Gele Koorts en Muskieten Bestrijding ta aplicando, lo fumiga riba diaranson awor 23 di maart den e districto di Paradera pero tambe lo fumiga den e areanan di Hooiberg, Casibari, Ayo y Piedra Plat. Diahuebs dia 24 di maart e accion lo continua den e districto di Santa Cruz pero enfocando specialmente den e areanan di Papilon, Macuarima, Sabana Grandi y Simeon Antonio.

Departamento di Salud Publico Aruba ta informa comunidad cu e orario cu GKMB lo fumiga ta entre 5:00pm pa 7:00pm. Pa e fumigacion por ta efectivo, ta conseha habitantenan den e barionan aki pa habri bentana y porta durante cu e pickup ta fumigando den e area. Tene bista riba bo mascotanan y parhanan, cambia awa di e mascotanan pa awa limpi despues di fumigacion. Keda paden si bo ta un persona cu un condicion di salud delicado y habri porta ni bentana pa no perhudica bo salud.

E accionnan aki di fumigacion ta den cuadro di e esfuerso grandi di Ministerio di Salud Publico hunto cu Departamento di Salud Publico y cu sosten di Aruba Tourism Authority pa elimina sangura pa evita Dengue, Chikungunya y Zika riba nos isla.

You May Also Like

Actonan ilegal ambiental ta keda pasa sin cu gobierno of husticia ta actua

Siman pasa Citgo a admiti cu nan a causa un derame di azeta den ...

Posibilidad pa mas tent pa siguiente feria cultural

Den cuadro cu celebracion di nos himno y bandera riba 18 di maart, tin ...

presupuesto 2017

Raad van Advies a conseha gobierno pa no entrega presupuesto 2017; no ta realistico

E organo consultativo constitucional, Raad van Advies, a duna gobierno un conseho negativo riba ...

Gerencia di Elmar y STA ta evaluando firma di protocol y documento riba reorganisacion

Despues  cu gerencia di e compania di utilidad Elmar N.V. a haci e presentacion ...

parlamento gobernador.jpg

Mandatarionan ainda ta diferencia riba kico a pasa cu nombramento gobernador

Mientras Prome Minister Mike Eman a contesta preguntanan ayera den parlamento di Aruba, minister ...

‘Nos trabou principal ta pa duna y ofrece guia pa nos muchanan’

Siman pasa tabata tin e resultadonan di scolnan rond di Aruba. Bon Dia Aruba ...