Boneiro a sorprende su partnernan turistico na Hulanda cu un
evento di Taste of Bonaire, Edishon Cocktail, den Mondi Caribbean Cuisine Restaurant na Amsterdam, organisa pa Miles Mercera, CEO di Tourism Corporation Bonaire (TCB). E localidad Caribense intimo aki a brinda oportunidad pa nos partnernan pasa un anochi agradabel y
educativo.

E anochi a cuminsa cu un tayer di cocktail cu animacion di e talento Boneriano Eddy Trenidad, conoci tambe como Sir Eddy, doño di Tiki & Co Bar na Boneiro. Nos partnernan a keda anima pa durante e tayer crea nan propio cocktail, inspira pa sabornan Boneriano. Despues di a sacudi y hari un par di biaha y un presentacion di Boneiro na encargo di Miles Mercera, nos huespednan y partnernan VIP di medionan di comunicacion na Hulanda conhuntamente a gosa di un cena Caribense, prepara pa e chef-kok Caribense Justin Niessen, doño di Mondi Caribbean Cuisine Restaurant.

TCB a haci uzo di e oportunidad pa gradici su partnernan pa e sosten durante aña
2021 y pa ofrece un brindis pa un cooperacion mas fuerte ainda pa aña 2022. TCb ta spera di por sigui organisa evento den futuro pa partnernan riba diferente mercado importante pa por comparti su vision, plannan y accionnan. Ademas pa Boneiro esaki tabata un tremendo oportunidad pa na Hulanda comparti e ambiente hospitalario cu un tiki solo i vibracion di nos isla.

LEAVE A REPLY

Please enter your comment!
Please enter your name here