Team special riba caya

Te awor polis no a logra di gara e atracadonan di casino Excelsior, polis a indica awe mainta trempan.
Dialuna atardi husticia a dicidi di lanta un team special, yama Team Grootschalige Onderzoeken, cual ta algo usual den casonan grandi y violente. E team aki ta consisti di miembronan di diferente departamento di recherche.
E control a keda intensiva cu e team aki, esta riba caya, den barionan y nos fronteranan (waf, aeropuerto, costo). Tambe ta controlando autonan y otro vehiculonan mas intenso cu normal.

Diamars marduga e team a topa riba un auto sospechoso cu no kier para ora polis a duna ordo. Esaki a conduci na un persiguimento cortico. Varios unidad di polis special a logra di blokia e vehiculo na Rancho. Tabatin dos persona den e auto cu a keda deteni y polis a tapa nan cara. Nan tambe a confisca e auto pa mas investigacion.

 

 

 

 

LEAVE A REPLY

Please enter your comment!
Please enter your name here