Den weekend cu a pasa e dos teamnan di Taekwondo Aruba a train na Seroe Alejandro. Esaki ta e ultimo preparacion pa e di 7 TK5 na Surinam. E training a cuminsa pa 7or di mainta na pia di e sero y riba e caminda di Sero Alejandro, unda e atletanan a core subi e sero te na e tanki di awa. Ariba e sero nan a cuminsa cu interval training y a haci varios facet rond di e tanki. Despues di 45 minuut a sigui cu training y mester a subi e sero den forma di interval. Master Eric Barry ta referee internacional y tabata presente pa presencia e training pa Surinam, pasobra na Surinam e ta bay fungi como e head referee. Aruba por conta cu e dos teamnan aki, y nan lo bay saca cara di Aruba na Surinam. Diaranson atardi e teamnan hunto cu Master Barry y Noel Werleman di 297sports ta biaha pa Surinam.
