Temblor fuerte na varios region di Venezuela

Un temblor fuerte a ser sinti na varios region di Venezuela den oranan di marduga di ayera, specificamente 4or y 59 minuut di mainta y despues tabatin un replica pa 5or y 12 minuut.

Segun e Fundacion Venezolano di Investigacion Sismologico, e temblor registra tabatin un magnitud di 4,9. E epicentro tabata situa na 9,4 kilometer di profundidad y 12 kilometer na noreste di ciudad di Valencia.

E servicio geologico di otro paisnan a eleva e potencia di e temblor. Asina e Servicio Geologico di Colombia a informa di un evento sismico di magnitud 6,1 mientras e Servicio Geologico di Merca (USGS, sigla na Ingles) a calcula e sismo na 5,6 mientras ta localisa e foco na 17 kilometer di Valencia.

Prome cu 6or a sigui cinco replica di menor intensidad di e temblor, ningun superior di 4,8 di magnitud, segun Funvisis a informa.

E temblornan a ser sinti, ademas di e estado unda e epicentro tabata, den otro cerca manera Lara, Yaracuy y Zulia, como tambe Aragua, Vargas, Miranda y Distrito Capital.

Autoridadnan no a informa di biaha di e victima mortal of daño material. Funvisis a registra dia 21 di augustus di e aña aki, cu epicentro na ‘sureste di Yaguarapano’, na oriente di Venezuela, un sismo di magnitud 6,9 riba escala di Richter, cu a laga daño na edificionan den henter e pais.

You May Also Like

Colombia: Tillerson ta gradici e pais pa su papel den crisis Venezolano

Secretario di Estado di Merca, Rex Tillerson, a sigura cu Colombia lo ta e ...

Dominica sufriendo di dañonan grandi cu pasada di horcan Maria

Segun prome minister di Dominica Roosevelt Skerrit, e isla ta sufriendo di dañonan hopi ...

Insel Corsou ya caba den proceso pa bay failliet

Insel Corsou 6 siman pasa ya caba a cuminsa un procedura pa por declara ...

Horcan Maria: Isla completo di Puerto Rico a keda sin coriente

E wowo di e horcan Maria a caba di laga Puerto Rico, pero ainda ...

Ecuador: Gobierno ta denuncia ex minister di Correa profugo di husticia ta na Venezuela

E gobierno di Lenin Moreno a confirma diaranson pasa a traves di e minister ...