563501_385179741504368_707461052_n.jpg

ORANJESTAD – Aeropuerto Reina Beatrix a habri diadomingo mainta atrobe 7’or pa operacion, despues cu e mester a ‘sera porta’ diasabra anochi pa falta di personal di toren di control (cu a meld ziek na grupo). Pero no tin garantia cu pa merdia e situacion ta mescos”

Asina fuentenan fidedigno na aeropuerto a confirma na nos colaborador na NoticiaCla.com diadomingo mainta. Di e 15 buelonan programa pa yega Aruba, por lo menos 4 a confirma cu a yega sin problema.  Toren di control tin hende trahando, cu ta pone cu e operacion por continua. “Pero merdia lo ta e problema pasobra nan no por duna garantia cu lo tin hende (pa opera y traha den toren)”. E sindicato di trahadonan di toren, sinembargo ta mustra cu ‘mester tin hende den toren pa cover’, pero cu ‘e situacion ta tenso’.

Despues cu e aeropuerto mester a cera ‘porta’ diasabra anochi 9’or pa motibo di falta di personal di controladornan aereo den toren, awe mainta tin un supervisor trahando cu ta manehando e situacion. Un total di 4 controlador a wordo manda cas ayera pa dokter, y a haya carta di AO debi na presion halto na trabou. Pero awe mainta cos tabata ok atrobe ya cu un persona por a bin traha. Esey a pone cu for di 7’or awe mainta aeropuerto por a habri atrobe. “E warda di mainta nan tin un supervisor, pero pa merdia no tin confirmacion ainda si nan a logra haya hende pa traha”, e fuentenan a sigui bisa. Nos colaborador a compronde tambe cu mientras cu no ta responsabilidad di aeropuerto ( personal di toren ta cay bou di ANSA NV), a sugeri pa nan busca hende di afo mientrastanto. Pa loke ta e situacion merdia, e presidente di e sindicato ta mustra cu segun su informacion, e ta kere cu ‘mester tin hende pa cover, pero e situacion ta tenso’. 

Pa merdia pa atardi tin por lo menos 30 avion programa pa yega Aruba y mesun cantidad mas of menos pa bandona Aruba. Y mainta e cantidad ta mitar. For di e mitar ey, por lo menos 4 pa 5 a yega Aruba caba.

 

LEAVE A REPLY

Please enter your comment!
Please enter your name here