Un hoben a drenta sin signo di bida diaranson atardi na PoliClínica Las Mercedes –Caracas, despues di ser herida den manifestacion opositor. E homber a ser identifica como Miguel Castillo Bracho, di 27 aña. Juan Requesens, diputado di oposicion a informa cu “e hoben a muri pa represion di Guardia Nacional na Las Mercedes.”
Un dokter di centro di salud “El Estimulo” a splica cu e hoben a “muri di un herida na su torax, probablemente causa pa un arma di candela. E hoben a yega morto caba”.
Otro victima
Un homber cu a resulta herida dialuna den manifestacion opositor na Caracas, a fayece diaranson ultimo, elevando asina e cantidad di morto na 39, pa causa di protesta contra gobierno di Maduro. Fiscalia di Venezuela a identifica e victima como Anderson Enrique Dugarte, di profesion “mototaxista.” di 32 aña cu a haya un tiro na su cabes “na momento cu e tabata den un manifestacion na municipio Libertador, area metropolitano di Caracas.
