Presidente Donald Trump a bisa cu e Hues di Corte Supremo, Brett Kavanaugh ta victima di agresion, despues di un storia publica pa The New York Times tocante un acusacion di conducta sexual inapropia, cual a revisa pa refleha cu e victima no por a corda e incidente.

E corant tambe a pidi despensa pa un tweet ofensivo cu a manda pa promociona e articulo di fin di siman. The Times a reporta un acusacion cu Kavanaugh a expone su mes na un fiesta na Yale University den su prome aña di studiante. E acusacion nobo tabata inclui den un articulo promocionando un buki di compañero di klas di Kavanaugh, Deborah Ramirez, kende a acus’e di baha su carson y pone su penis dilanti di dje na un otro ocasion den otro fiesta na Yale.

Den e acusacion nobo, e storia no ta inclui inicialmente e detaye cu e muhe involucra den incidente a rechasa pa wordo entrevista y cu su amigonan ta bisa nan no ta corda. A revisa e articulo pa inclui e informacion cu un nota di editor cu ta splica e revision.

No ta cla dicon a laga e detaye afo. Kavanaugh ta nenga acusacion di Ramirez, el a rechasa pa haci comentario, segun e vocero di corte. Trump a sali na su defensa bisando cu ‘esun realmente asalta ta e Hues Kavanaugh pa gañamento y noticia falso’.

Trump a bisa cu Kavanaugh mester cuminsa demanda persona pa difamacion of cu Departamento di Husticia mester rescat’e. E corant tambe a pidi despensa pa saca e articulo di Kavanaugh, bisando cu locual a skirbi tabata inapropia y ofensivo.

 

LEAVE A REPLY

Please enter your comment!
Please enter your name here