E misterio di mas grandi den e serie ‘Tiger King’ di Netflix ta si Don Lewis a ser asesina, y si esey ta e caso, ken a mat’e.
Sheriff di Hillsborough County, Chad Chronister a bisa TMZ cu e ta convenci cu un persona so no lo tabata capaz di comete e asesinato na 1997. E ta bisa cu e persona lo tin mester di ayudo, y cu un persona a ricibi placa.
Maske Chronister ta bisa cu esposa di Don, Carole Baskin, no ta un sospechoso ni persona di interes, el a bisa cu e tin su sospecha y tambe ta sospecha otro persona.
E sheriff ta buscando un persona pa bin dilanti – tal bes un persona kende a yuda, cu kier haci su consenshi limpi y bin dilanti pa revela e berdad.
Chronister tambe a laga cla cu e ta dispuesto pa trata cu cualkier persona cu tin informacion, y no ta descarta inmunidad.
Carole ta insisti fuertemente cu e no tabatin nada di haci cu desaparicion di Don.
