Aruba – Diasabra marduga algo despues di 1or polis a bay pa un tiramento na un bar na Alto Vista. Nan a haya un tip riba un auto envolvi, di un di e verkenner nan di scouting campando cerca.
Polis a localisa e auto sospechoso na Tamarijn. Eynan a detene 2 persona: e homber R.A.S. (20) y e menor R.G.S (17). Den e auto a haya un revolver y un pistol, ambos carga. Den 2 otro auto para cerca, polis a haya 3 arma mas. Polis ta sumamento preocupa pa motibo cu personanan asina jong a logra di obtene un gran cantidad di arma cual uno ta semi automatico. E motibo di e tiramento, e hombernan a los varios tiro riba e bar, no ta conoci ainda.
