Tiramento pafo di un sinagogo na Halle, Alemania a ser transmiti en bibo riba Twitch – marcando otro uzo di plataformanan di transmision online pa transmiti atakenan terorista. Twitch a confirma pa The Verge cu e tirado a post e video riba e plataforma.

“Nos ta tristo y den shock pa e tragedia cu a tuma luga na Alemania awe, y nos condolencia profundo ta bay pa tur esunnan afecta”, un vocero a bisa. “Twitch tin un politica di cero tolerancia pa cu conducta di odio, y cualkier acto di violencia ta tuma extremadamente na serio. Nos ta trahando cu urgencia pa elimina e contenido aki y suspende permanentemente cualkier cuenta haya ta post of repost contenido di e acto horibel aki.”

E atake ayera a echo e tiramento masal di moslimnan na Christchurch, New Zealand – cual a ser transmiti en bibo riba Facebook Live. Den e video di alrededor di 35 minuut ayera, ta mira un homber tira dos persona y purba, sin logra, pa drenta den e sinagogo. Tambe el a haci un discurso cortico den e camara, yamando contra Hudiunan y nengando cu Holocaust a tuma luga. Dos persona a keda confirma morto den e atake ayera, y agencia di cumplimento di ley Aleman a lanta e posibilidad cu tabatin varios atacado involucra. Un atacado so ta aparece riba e video.

No ta cla cuanto persona a mira e transmision original ni cuanto copia por a keda archiva na Twitch – di cual Amazon ta doño – of riba otro website. Investigado di extremismo, Megan Squire a reporta cu tambe a plama e video a traves di e plataforma encripta, Telegram, cu clip mira alrededor di 15,600 cuenta. E tiramento na Christchurch a ser mira en bibo pa apenas algun persona, pero a ‘reupload’ esaki casi 1.5 miyon bes despues di e atake – pues maneho di e secuela lo ta un preocupacion. Complicando esaki ta e hecho cu video di e atake – di hende otro cu e tirado – ta valioso pa noticia. Pero mientras tur red social ta lucha pa combati contenido di odio, videonan en bibo di tiramento ta un asunto particularmente sensitivo pa plataformanan di transmision en bibo.

 

LEAVE A REPLY

Please enter your comment!
Please enter your name here