Tabata tin un tiramento pisa na un scol secundario na Parkland, Florida (Stoneman Douglas High School) algun rato pasa, cual ta wordo categorisa caba manera un tiramento fatal hopi serio, y ta hopi trempan ainda pa bisa exactamente cuanto morto.

Autoridadnan local a tarda un rato pa pone man riba e sospechoso. Segun Broward Schools, tin varios persona herida, te ainda a conta mas cu 20.


Actualmente autoridadnan a cera e scol riba codigo cora y ta evacuando studiantenan for di e scol. Autoridadnan a pidi e studiantenan pa no pone nada riba rednan social y evita di comparti cualkier cos cu por hinca nan den peliger mientras cu nan tabata purba pone man riba e sospechoso. Varios biaha caba autoridadnan a tuma nota cu e sospechosonan den tiramentonan manera esaki ta haci bon uzo di rednan social pa haya informacion.

Tin algun informacion tambe cu kisas tabata tin un elemento di planificacion y ‘bullying’ cu a hunga un rol akinan.

Fuente: CNN